中興長青團契 NCHUCSF

台灣基督長老教會信仰告白

主後一九八五年四月十一日總會通過

（台語漢字一九八五年五月九日信仰與教制委員會校定）

　　阮信上帝，創造﹑統治人與萬物的獨一真神。祂是歷史與世界的主，施行審判和拯救。祂的子對聖神投胎，對在室女馬利亞出世做人，做咱的兄弟，就是人類的
救主耶穌基督，對祂的受苦﹑釘十字架死﹑復活，顯明上帝的仁愛與公義，使咱與上帝復和。祂的神，就是聖神，站在咱中間，賞賜氣力，使阮在萬百姓中做見證，
直到主復來。

　　阮信，聖經是上帝所啟示的，記載祂的救贖，做阮信仰與生活的準則。

　　阮信，教會是上帝百姓的團契，受召來宣揚耶穌基督的拯救，做和解的使者，是普世的，復釘根在本地，認同所有的住民，通過愛與受苦，來成做盼望的記號。

　　阮信，人對上帝的恩典來悔改，罪得赦免，用虔誠、仁愛與獻身的生活歸榮光上帝。

　　阮信，上帝使人有尊嚴、才能，以及鄉土，來有份於祂的創造，負責任和祂相與管理世界。對如此，人有社會、政治及經濟的制度，也有文藝、科學，復有追求
真神的心。總是人有罪，誤用這些恩賜，破壞人、萬物、與上帝的關係。所以，人著倚靠耶穌基督的救恩。祂要使人對罪惡中得著釋放，使受壓制的得著自由、平
等，在基督成做新創造的人，使世界成做祂的國，充滿公義、平安與歡喜。阿們。